رواية من عالم اخر (كاملة جميع الفصول) بقلم سولييه نصار
سكريبت♥️بقلم سولييه نصار♥️
-حبيبتي اسرار سيبي السك*ينة ابوس ايديكي ...
قولتها لاسرار اللي ماسكة الس*كينة وبتجري ورايا ....كنت مر*عوب منها لانها للمرة العاشرة تقريبا تقفشني بكلم ستات عليها ...
هزت راسها بجنون وقالت:
-لا يا عماد مش ههدا...المرة دي مش ههدي الا لما اجيب كرشك ده يا بتاع النسوان ...يا راجل انت مبتحرمش ...انت ايه النسوان بيجروا في دمك ..
ضحكت بتوتر وقولت وانا بشاور علي نفسي وقولت :
-انا بس برفق بالقوارير يا حبيبتي ...ايه كف*رت ولا كف*رت !!
رمت عليا للمزهرية بس انا بعدت في الوقت المناسب ...صرخت وهي بتقول:
-اهتم بقوارير بيتك مش قوارير الناس ...ده انا قارورة مسكينة في بيتك عمرك ما فكرت تخرجني حسبي الله ونعم الوكيل فيك يا شيخ ....هق*تلك يا عماد واعمل امعاءك ممبار واكلها للكلاب ...
بلعت ريقي وقولت :
-انتي كنتي مطبقة علي هانيبال ولا ايه يا حبيبتي وحدي الله مش كده ... وادي يا ستي راسك ابوسها...
-ابعد عني متقربش بدل ما اجيب كرشك واعمل عليه فاصوليا ..
-انتي جعانة ولا ايه يا حبيبتي..وحدي الله ...
-انت مستفز بارد ...
قالتها وهي بتقرب مني بعدت وقولت:
-يا اسرار يا حبيبتي وحدي الله هتدخلي الحب*س في واحد زيي...طب استنضفي طيب.
وقفت وهي بتتنفس براحة وبتقول:
-عندك حق لازم استنضف. .وبصراحة مفيش انضف منك عشان ادخل بسببه السجن ...
بعدين بدأت تجري ورايا بالس*كين وانا اجري وبعدين طلعت من البيت قبل ما تقت*لني او تعمل فيا حاجة ...فضلت اتمشي بلا هدف وانا بفكر بجدية اني لازم ابطل مراهقة بقا ...هي لو قررت تسيبني أنا ممكن امو*ت فيها لاني بجد بحبها ...بحبها اووي ...عارف اني زعلتها مني كتير ولازم احاول اصلح الوضع ولكن زي ما يكون كلامي مع الستات حاجة بتجري في دمي مقدرش اسيطر علي نفسي بس كفاية كده
فكرت بحزم ...كنت بضغط علي نفسي عشان اعترف اني غلطان ...وعشان احاول اعرف ازاي هي بتحس لما بكلم غيرها حطيت نفسي مكانها وحسيت كأني بغ*لي ....بجد الله يكون في عونها ...قررت أشتري ورد ليها وشوكولاتة اللي بتحبها وبعدين اعتذر منها لحد ما تسامحني ...لقيت نفسي فجأة واقف قدام شاطئ البحر اللي مفيش مخلوق فيه حاليا لاننا في عز البرد وغير كده الساعة قربت تدخل علي اتناشر ....ضميت الجاكيت من البرد عليا وانا بقرر ادور علي أي محل ورود ليها...لازم اصالحها علي اللي هببته كنت لسه همشي لما اتجمدت وانا بشوفها خارجة من الميا...واحدة كده كأنها من الجنة مش من البشر ابدا ...لابسه فستان فضي بيلمع لازق عليها بسبب الميا ...شعرها اصفر ومبلول وعيونها الزرقا بتلمع بطريقة تسحر ...علي شفايفها ابتسامة لطيفة ...كانت بتبصلي ...فعليا بتبصلي ...فكرت وانا بترعش ...كنت مصدوم ازاي في حد جميل بالشكل ده ...حسيت اني مس*حور من المرة الأولي ....وكنت مصدوم اكتر انها متحملة برودة الجو ...
فضلت واقف مكاني لما قربت هي وقالت بصوت لطيف:
-بتحب تعوم بالليل زيي ...
مكنتش قادر ارد ...كل اللي كنت عاملة اني فاتح بوقي زي الجا*موسة ...ضحكت هي علي شكلي وقالت:
-طيب مش حابب تتعرف عليا خالص ؟!.
وانا لسه علي وضعي فاتح بوقي زي البهمية ...أنا لو متصرفتش دلوقتي البت هض*يع من بين ايديا....
-انا عماد ...
قولتها بسرعة وانا ببتسم فسلمت هي عليا وقالت:
-وانا لارا ...مبسوطة اني شوفتك اوووي يا عماد..انت مش متخيل أنا فرحانة قد ايه ....
بعد شوية كنت ماشي جمبها وانا ماسك ايديها وكأني مس*حور ...نسيت مراتي وبيتي وكل حاجة ...مكنش في بالي حاجة غير لارا بس ...
لمعت عينيها وهي بتبصلي وقالت:
-تعرف اني حبيتك اووي...ومش من دلوقتي أنا من زمان بحبك يا عماد ...
-بجد ..
قولتها زي المعت*وه وانا مش واخد بالي من كلامها ...لو هيدوا حد جايزة احسن مع*توه هكون أنا في المركز الأول أكيد...
-وانا كمان حبيتك اووي ...
قولتلها وانا ببصلها جامد كأني أول مرة اشوف انثي ..
ابتسمت بحزن وقالت:
-بس للأسف فيه مشكلة صغننة شوية ....أنا من الجان ...
ابتسمت ببلاهة وقولت:
-ايه دي اسم عيلة ..يا ستي متزعليش أنا اسم عيلتي الجحش ..مفيش حد كامل ...
بصتلي بجدية وقالت:
-يا عماد أنا من الج*ن ...الج*ن يعني مش بشرية !!!
هي قالت الكلمة من هنا وانا وقعت من طولي زي الفرفور.!!!!
يتبع
#من_عالم_اخر
#سولييه_نصار
الاسكريبت ده فنتازي يعني خيالي ملوش علاقة بالواقع وهتفهموا ده قريب♥️
